What' New
What' New
08 NOV 2008~ 好耐無upload網啦! 一口氣為你帶黎由9月尾到昨日所完成的3件作品~
1.舊式金舖銀樓 ~ 作品是一位台灣客人訂購來送給年92的姨婆大壽的禮物,很感動此作品能 讓一個消失的老店和一個 被遺忘的堅強努力的傳統女人又再次被大家想起來!
2. Party in the Grapeyard ~ 開開心心幾位好朋友在一個清幽的庭園內開一個小小的生日派對。
3. Amethyst X'mas ~ 聖誕節快到今次選用"紫色"為你帶來一個特色的聖誕。
Event/Profile~9月份COSMOPOLITAN月刊訪問及 CLUB OLYMPUS DAY借出作品作攝影示範。
Lesson~ 有新課程登陸黎睇睇啦!
18 Sep 2008 ~ 最近午餐及下午茶都好鍾意食麥噹噹,不如就造返個有關漢堡飽、薯條、蘋果批......的作品, 睇睇我新作" Pastoral Burgers", 有興趣可以約個時間黎學下啦姬姬課堂~
29 Aug 2008 ~結婚後姬姬同老公仔去左日本旅行,返黎要開始努力造作品同工作啦!
舊網頁用左成兩年啦,係依4日努力日改夜改,希望盡快裝修好個全新網頁比大家睇,上未完成不便之處敬請原諒!!
8月份 Fashion & Beauty Club 與 WKMaggie's Miniature 合辦１：１２微型藝術課程"法國甜品Macaroon & Cookies”
完滿結束,過日兩班合共成24人,攪到教室好熱鬧,在此感謝 Fashion & Beauty"Yonnie"邀請姬姬合辦課程,花絮有得睇~
今個星期二姬姬完成左一份新作品Delicious Seafood食下海洋啦~~~另之前上未upload 上網的Happy Wedding Date, Lovely Ice-cream 及參酒壽包有得睇真d啦!!!
28 Aug 2008~ 現進行網頁大裝修不便之處,敬請原諒!!!!
04 Aug 2008~ Fashion & Beauty Club 與 WKMaggie's Miniature 合辦１：１２微型藝術課程”法國甜品Macaroon & Cookies”
將於８月１７日星期日上課
時間： （A）下午２：００－４：００, （B) 下午４：００－６：００
名額： 每班１２人（共２４人）
費用： 全免
有興趣參加的會員報名參加啦∼去姬姬blog睇睇~
姬姬8月7日至8月11日會到日本旅行,各位同學留意啦!!8月13日(星期三)恢復上課及預約上課~
旅行其間若未能及時回覆大家的電郵, 敬請見諒!!!
01 July 2008~ Ming 仔同姬姬今日註冊結婚啦!為了留下記念,姬姬用了半個多月趕造了一份作品"Hqppy Wedding Date" 先到姬姬blog看看啦~
更多照片遲dd會upload~
生了一場8級地震,生死真係一線之差.........好傷心呀!!!
都有個幾月無upload, 今日有新作比大家睇"日之小屋"及"Maggie's Crepes"黎睇下啦!
11 April 2008~得到匯豐銀行Wayfoog Clubhouse再次邀請，５月份開始姬姬將於中環匯豐總行加入課程~
感謝匯豐同事一直支持，於港島區工作的同事唔洗趕上堂趕得咁辛苦啦！
姬姬新作"Mauve Afternoon Tea'', 姬姬課堂更新資料
21 Mar 2008 ~ 剛剛完成一份用黑白為主色的作品"Chic Sandwiches"呀!!!!!
今次作品特別之處，就係有左依個封密設計的玻璃屋, 裡面d Sandwiches就唔會封麈啦!
而且個玻璃屋對大門、兩邊及上面都可以推入同推起,得閒無事都可以取d Sandwiches睇下啦~
橙色水晶燈、不同款式的Sandwiches希望你地喜歡姬姬的新作啦~~~
07 Mar 2008 ~ 實再太耐無新作比大家睇，因為真係好忙好忙........
終於有新作啦"What a Wonderful Day!"
近排好多朋友仔都話去元朗士多啤梨園旅行，就諗下不如造個情景踩單車遊士多啤梨園，買返盆士多啤梨，捉兩隻Bee Bee，食下曲奇同三文治野餐啦∼∼
想報讀上述課程的朋友即到姬姬課堂，限定9位報讀......快!!
另外香港灣仔會展設計廊由2008年3月3日~4月7日，展出我地香港微型藝術會會員的展品，今次好開心姬姬能與會員艾美及TOTOTON合作製作"香港冰室"於店內展出，當然都會展出姬姬自己的作品 Spoil Cafe啦~
上次去唔倒太古坊睇的朋友今次把握機會啦!
15 Jan 2008~展覽後病左好耐,依家都係時好時壞,攪到好耐無新作比大家睇,暫時只能造一份小小的作品給大家"Strawberry Chair Set"希望你地鍾意啦! "Strawberry Chair Set課程"資料有得睇啦~
06 Dec 2007~ 今年聖誕節造了一件小作品"聖誕小木盒"，另外12月課程可到姬姬課堂睇睇~
30 Nov 2007~今日係展覽最後一日啦~未去的朋友快快手去啦!晚上9:00完架啦!
過幾日我會upload各會員展品比大家睇,好想黎又黎唔倒睇的朋友仔要留意啦!!
好耐無新作比大家睇,展覽前造左一個但係因為造展品無時間upload,真係唔好意思呀!!
現在為你送上新作 "日式小客廳"入黎食下串燒睇下無野睇的高清電視...嘻嘻!
17 Nov 2007~ 誠意邀請你地你睇展覽呀!!!!比dd相大家睇下先......1.........2........3........4
匯豐銀行11月19日課程"焗豬扒套餐"有得睇~
23 Oct 2007~展覽作品"Spoil Cafe "進度快d睇下姬姬blog！！
2007年10月5日~答對４條題目送你日式小定食∼名額４位（快手啦！！）
４條題目將於２００７年１０月５日上午１１：００在姬姬blog登出，請大家留意啦！！！
由於有些網友未能在blog中留言回答，
為了另大家都有機會參加，
所有答案必須e-mail到姬姬電郵
wkmaggie@yahoo.com.hk
於blog回答是不會接納，
答對頭四位朋友，送你日式小定食一份∼
不便之處，敬請原諒∼
2007年10月4日~香港微型藝術會及太古地產舉辦的[香港風情剪影]模型展覽於2007年11月20日至30日魚則魚涌太古坊展出,姬姬今次會造我兩位朋友於灣仔所開設的一間店舖Spoil Cafe ，最新製作進度可到姬姬blog觀看~~
"Spoil Cafe" ~ G/F, Shop 1 & 1A, Sun Street, Wanchai. Tel: 3589 5678
時間不足２個月我開工啦，好驚造唔完呀！！！
在此十分感謝兩位老闆及Jeff的幫忙！！！！
2007年9月12日~姬姬課堂更新, Stone House 限定版課程只限10位報讀。
2007年9月10日~我的新作"Stone house" 及"二人晚飯小菜"
2007年8月9日~今日午餐食咩先??食碗紫菜四寶河,加碟腐乳通菜啦,好唔好??
8月-9月份潮人課程,睇睇有無興趣報讀啦~
2007年7月31日~ 成個月無upload網啦!有新作啦~~~~"潮姬樓"潮州菜式....."架gie 冷" 黎試試啦~
2007年6月24日~7月份為你準備小組課程包括(Elegance Corner,Natural Kitchen,德國食品及魚柳飽餐) ,預約課程精選(Delicate Moments)快d黎睇睇啦~
2007年6月22日~ 感謝學生WINNIE推展，姬姬7月份正式於匯豐銀行屬下之"匯豐體育會會所 Wayfoong Sports Club Clubhouse"內開辦小組課程 ，報讀左課程的匯豐員工到時見啦!
歡迎黎姬姬間Bar"Delicate Moments"坐下，唔賣酒賣雪糕啦~天氣咁熱不如食杯雪糕新地啦,好唔好呀??
2007年6月1日~ 我的新作"Elegance Corner",唔知環境同食物,合唔合你心水呢??多謝MingMing幫我依個作品起個名呀~
2007年5月21日~由於6月1日姬姬有要事,原定6月小組課程"煎糕車"Class B課程會順延一個星期，請報讀的同學注意∼
2007年5月16日~煎糕呀姐:"要d咩?"......靚女:"呀姐，煎腸粉呀唔該"........煎榚呀姐:"好...坐邊?煎好ling過黎"
"姬姬茶樓貴賓廳"第四架車仔終於攪掂lu~煎糕車...快d睇下啦....嘻
6月小組課程"煎糕車"可以報名啦~
2007年5月2日~Cherry Kitchen(Part One)預約課程,由於材料有限暫時只能收8位同學,唔好意思呀~
2007年4月27日~我的新作"Cherry Kitchen(Part One)", 無油煙架入黎睇下啦!!
2007年4月10日~ "美味蠔餅" 4月"優先場"及"特別場"小組課程,可以報名la~~~~
2007年4月6日~ 我想食蠔餅~好想食....好想食呀...快d請我食~我的新作 "美味蠔餅"
2007年4月2日~ 禽晚有d時間,比心機影過晒上年7月展覽的作品"姬之果子"d相,未見過真身又或者想睇清楚d的朋友,可以睇下喎!
2007年3月18日~ 多謝各位支持 "Jolly Cafe"課程,優惠價課程已滿額,現於2006年3月24日星期六加開(1堂)完成特別班,有興趣報名就快手去睇睇姬姬課堂~
2007年3月15日~有新作呀~"Jolly Cafe"帶隻小狗入去裡面好休閒咁食個 lunch 都唔錯架!
姬姬課堂更新~
2007年3月3日~ 年初七人日過左個好開心的生日,去下姬姬個 YahooBlog睇下啦~2007年4月份小組課程有得睇啦!有興趣就報名啦!
2007年2月21日~ 有成個月無更新網頁啦,係咪等到頸都長呢?新年有無勁食油炸肥膩野呀?未食夠的話姬姬再請你食, "姬姬茶樓貴賓廳"第三架車仔完成啦~"甜炸點心車",合共11種油炸點心及甜點心,去睇下啦!~
2007年1月22日~姬姬唔造新界人啦!!!搬搬搬.....2月左右搬出黎造九龍人~~更新姬姬課堂資料，2月至3月份小組課程及預約課程有得睇!
2007年1月19日~"姬姬京川滬菜"先前由於在露天展覽場地放足4日，已經攪到封晒塵，所以一定要裝修過同再造過d食物先得啦!
2006年12月27日~各位朋友仔聖誕快樂呀~~再加入展覽售賣作品,展覽到時見啦!
太子道教室推出兩班"麵包店"小組課程已經全部滿座,多謝大家支持!
2006年12月15日 ~ 姬姬2007年1月份於梁蕙義小姐九龍太子道教室開辦"姬姬麵包店"課程,資料可到姬姬課堂內查看，經常收到朋友仔電郵詢問會否再次開辦，唔好意思一等等左兩年完全無左影，把握今次機會一齊聚一聚造麵包啦!
2006年12月11日~
首屆泰迪熊及手工藝聯合展銷會
地點：尖東富豪九龍酒店
日期：2006年12月29、30日 10:00am -19:00 pm
2006年12月31日10:00 am -21:00 pm
2006年12月4日~平時都有寫下網上日誌架，今次試試係yahoo blog造一個有關1:12微型藝術的日誌姬姬"唔"升級的家，有時間去睇下啦~
2006年12月1日~為你介紹學生呀寶的靚靚網頁"小寶子手工藝"有好多好靚的布公仔同其他手工藝作品,值得一睇架!!
太子道教室推出兩班"糖水車"小組課程已經全部滿座,多謝大家支持!
2006年11月29日~2006年12月1日~4日(星期五、六、日、一)於銅羅灣時代廣場, SONY屬下攝影器材宣傳中展出香港微型藝術會會員22件中式展品作攝影示範，到時姬姬的一席最新作品"姬姬京川滬菜"將現身廣場內，有興趣朋友記得去睇下啦!
2006年11月17日~12月份姬姬於梁蕙義小姐九龍太子道教室開辦"糖水車"課程,資料可到姬姬課堂內查看.
2006年11月6日~為朋友準備一份"中西合壁"結婚禮物贈與好友,艾美與姬姬再度合作創作,crossover的成果大家一定要睇睇啦~~~
2006年10月27日~ "菊姬居酒屋"內有成30多款日式食品架!先比碟"天婦羅"你地睇下先啦!
2006年10月24日~有目標有限期去造一件展品,係幾辛苦同幾有壓力架,但係造得到又好開心架喎,我從未試過要係一個月內完成一件大型的作品,今次真係第一次,為左咩..............
2006年11月2日(星期四)香港會議展覽中心"政府一部門周年晚宴"內的微型藝術展，今次展覽係唔公開架.....各位朋友要等到12月展覽先睇到真身架啦~ 比兩張相你地睇下先啦"菊姬居酒屋.....1.......2......
係到要感謝我d好學生同好朋友對我的體諒及打氣.....多謝你地呀!
2006年10月10日~姬姬於"梁蕙儀"小姐九龍太子道教室推出兩班"點心車"小組課程已經全部滿座,多謝大家支持!
2006年10月6日~中秋節快樂呀!"姬姬茶樓貴賓廳"第二架車仔攪掂~"糖水車"，合共5款糖水,黎啦! 潤下喉、清下熱、甜下啦~~~~~~
2006年10月3日~姬姬於"梁蕙儀"小姐九龍太子道教室推出11月9日~11月30日(星期四) 之點心車課程已經滿座,現加開11月10日~12月1日(星期五),由於材料有限此班為最後一班,不再加開,資料可到姬姬課堂內查看.
2006年9月30日~ 十分榮幸得到中國大慶塞北書畫院客座教授,翰緣雅集會長"梁蕙儀小姐"邀請,於梁小姐九龍太子道教室內開辦小組課程,11月份先推出"點心車"課程,資料可到姬姬課堂內查看.
2006年9月26日~"姬姬茶樓貴賓廳"第一架車仔完成啦~"點心車",合共9種點心,快d去睇下好唔好味啦~
2006年9月24日~"姬姬茶樓貴賓廳"就黎出世啦!因為想提高像真度.....所以成日都去飲茶........亦因為咁而拖慢進度.........希望月尾就可以同大家見面啦~
香港微型藝術會消息: 獲邀請於政府一部門的周年晚宴上舉行微型藝術展,展題為國際文化交流。
日期：2006年11月2日﹝星期四﹞
地點: 香港會議展覽中心 有興趣參展的會員朋友，請電聯李會長2736-1399
2006年9月22日~艾美隻"麗麗熊貓"離家出走呀!!!!山長水又遠魚則魚涌搭車又搭船黎到元朗搵姬姬，等姬姬整d好野過你吃....乾蒸燒賣、蝦腸同一枝竹..好吃唔好吃呀??
9月份姬姬限定作品小賣部,有好野"艾美與姬姬合作作品~麗麗點心套裝",另有姬姬作品"姬姬飲茶2人前套裝"及"姬姬芒果撈"快d去睇啦喂!!!
2006年9月18日~9月17日(星期日)貓貓邀請我到教會的小組與多位弟兄姊妹分享1:12微型藝術的樂趣，我好開心有11位弟兄姊妹報讀呀，佢地真係好有心機好努力造呀! 唔係玩玩下架! 又多左人認識我地門手藝啦.......係喎係喎，今次係我第一次收成6個男學生.....第一次收一個只有7歲的學生仔仔呀....個個都造得好好呀.....嘻....好似讚自己教得好咁喎.....*0*
2006年9月7日~新作"德國食品 German Main Dishes"於九龍佐敦香港微型藝術會開辦一日課程，有興趣報讀的朋友仔，睇下抽唔抽倒時間黎玩啦!!
2006年9月6日~又黎新作"德國食品 German Main Dishes"內容包括:德國經典麵包"Pretzel"、幕尼黑白腸"Munich White Sausage"、司華力腸"Cervelat Sausage"、配德國酸椰菜、雜菜沙律及脆卜卜薯條及德國啤酒 。
9月1日去左香港迪士尼玩...喎...熱到爆呀....1年要出的汗1日出晒....勁呀!不過最大驚喜係原來樂園內有幾間dollhouse架，朋友仔下次去一定要去搵黎睇真d呀!
2006年9月4日~ 一拖再拖的新作終於完成，姬之日式車仔檔，內容有日本關東煮及拉麵，希望朋友仔你地鍾意啦!
此作品將於9月28日(星期四)6:30-8:30及10月1日(星期日)11:00-1:00已小組型式於元朗開課,資料請看我的課堂
2006年8月7日 ~姬姬雜貨加入早餐食品，姬姬限定作品小賣部開張
2006年7月19日~ 展覽完滿結束，很多到場朋友仔要行幾次先迫到入黎，真係唔好意思呀!售賣作品一件不留，預訂壽司單姬姬會盡快處理，要朋友仔等一等啦~
好多朋友仔到場支持都不能一一與你們拍照留念，好可惜呀!
姬姬散晒啦，好辛苦好倦，不過有你們的支持係值得架!!!!!!!!
展覽花絮有得睇啦~去片.............首屆香港手工藝展覽
另新到德國瓷器，Code no.: 043 ~ Dinner for two，限定4套
2006年7月12日~****展覽最後通牒****展覽售賣作品及展覽作品比你預覽，姬姬7月14日(星期五)因有要事最快中午12:00才能帶展品到展場，不便之處敬請原諒!朋友仔Cynthia及Seamus各自準備兩份作品售賣，多多支持!
喂喂~~~一場黎到記得同我講兩句先走呀!!!歡迎你地呀!
2006年7月7日~德國瓷器再度底港 Online Shop去買啦~~~
2006年7月6日~
布公仔天地及香港熊會主辦，香港微型藝術會協辦，首屆 《香港手工藝聯合展覽》Hong Kong Handicraft Show展出地點：九龍尖東富豪九龍酒店日期：2006年7月14/15/16日﹝星期五、六、日﹞時間: 上午10:30~下午7:00免費入場
2006年6月21日~更多德國貨品登陸 Online Shop. 去睇下啦~~~~
2006年6月20日~特別報告:由於德國瓷器反應熱烈, 某些貨品已經售罄,現接受預訂大約7月10號到港
~~~~~~~Online Shop 新貨由德國到港,手快有手慢無,快d去睇有咩正野......
2006年6月19日~由於反應熱烈, "姬之壽司小盒"已經售罄, 多謝大家支持, 對於未能滿足各位朋友, 姬姬心表歉意, 再有展覽新作品, 將會優先售興今次未能訂購既朋友。
姬姬將於2006年7月29日(星期六)有限度恢復教學，有興趣報課程的朋友，可E-MAIL到wkmaggie@yahoo.com.hk查詢
2006年6月17日~展覽發售"姬之
壽司小盒"現接受預訂，限定3套，於展覽場地交收，持有優惠卡朋友可獲95折...............再睇真d....
..........
..........有興趣朋友可E-MAIL到wkmaggie@yahoo.com.hk查詢
2006年6月15日~由即日起派發展覽優惠卡.jpg)
有興趣朋友可E-MAIL到wkmaggie@yahoo.com.hk
2006年6月3日~艾美派對呀!......咁勁隨身帶住士多啤梨遮面.......去片
7月展覽姬姬準備的大型作品"姬之果子"都造左7-8成啦!..........比大家睇小
........
...........啦.....想睇真d........展覽一定要黎呀!!!!!
2006年5月20日~展覽賣咩好呀???暫時造左幾款西式..
............
............
，比大家先睹為快，將會有更多款式，密切留意網站更新。
2006年5月18日~ 首屆 《香港手工藝聯合展覽》HK Hobby Show 展出地點：九龍尖東富豪九龍酒店 時間：2006年7月14/15/16日﹝星期五、六、日﹞ 屆時香港微型藝術會會推出一系列 1:12 微型工作坊 予有興趣人報讀。
Mc姬姬全新創作作品"Natural Kitchen" ....急口領"造個爐頭煮野食、蔬菜新鮮切不停、雞蛋腸仔成絕配、沙律通粉誇啦啦、煮法自然(natural)夠特色、帶出廚房(kitchen)好菜式"5秒講得完送你展覽"WKMaggie's Miniature購物優惠"e-mail比姬姬查詢啦!
姬姬有幸已<香港微型藝術會>會員身份出任工作坊當中導師，誠意推動1:12微型藝術，姬姬全新創作作品"Natural Kitchen"將立入工作坊課程，報名及查詢請與<香港微型藝術會>聯絡， 尚有更多不同課程推出 ，朋友仔多多支持呀!
2006年3月18日~
唧唧複唧唧,姬姬係到織。 不聞機杼聲,唯聞姬歎息 ... 織左兩件衫仔.....一件送比朋友仔....
另介紹學生Yvonne的 Hello Kitty Pizza House 及她的作品相簿給大家看看呀!
2006年3月7日~我"親愛的表弟"(14號佳麗)造左發明家呀!佢地成班理工同學現身於"Mike"雜誌,好勁呀!你親愛的姬姬表姊引以為傲,你地要加油努力呀!!!!!!!香港有你地一定掂!!!!!!!!!
"姬姬剪報"加入更多內容.
姬姬將會失蹤3個幾月,由3月31日開始"教學暫停"對學生造成不便在此深表協議,而"網上商店"如常運作,請大家放心.
約定你地2006年7月14/15/16日《香港手工藝聯合展覽》HK Hobby Show到時再見啦!!!!
2006年2月27日 ~ 布公仔天地及香港熊會主辦，香港微型藝術會協辦 首屆 《香港手工藝聯合展覽》HK Hobby Show 展出地點：九龍尖東富豪九龍酒店 時間：2006年7月14/15/16日﹝星期五、六、日﹞ 屆時香港微型藝術會會推出一系列 1:12 微型工作坊 予有興趣人士報讀。 敬請密切留意！
2006年1月27日~萬二分感謝設計界明日之星"貓兔子"幫姬姬全新包裝過,依個logo跟我一世架啦!
各位朋友仔狗年行好運,身體健康,事事順利呀!新年姬姬同姬媽去日本玩玩玩,食食食,買買買呀!!!!!
1月28日至2月7日姬姬會失去聯絡,有咩可以e-mail黎2月8日先開始覆你地~~~
2006年1月17日~香港泰迪熊展覽照片,感謝大家支持及欣賞,使我路向更明確。
2006年1月6日 ~香港泰迪熊展覽 8-9 Jan , 2006 ( Sun & Mon )
時間 : 上午 10:30 - 下午 4:30 (Sunday)
上午 10:30 - 下午 5:30 (Monday)
參展嘉賓：香港微型藝術會 , 免費入場，歡迎參觀
2005年12月21日 ~ 有新作" Cosy House"西日式食品,門可開關.
2005年12月12日~ 熊貓玲玲與姬姬合作作品" Ling Maggie and the Candy Shop",於"Amy's workshop"有得學,另介紹Cynthia的網頁,朋友仔多多支持呀!!
8-9 Jan, 2006 香港微型藝術會 獲香港熊會(Hong Kong Teddy Bear Association)邀請為本港第四屆泰迪熊展的參展嘉賓,有興趣展覽及展售其微型作品的會員及微藝愛好者，請致電李會長查詢詳情。
地點：九龍尖東富豪酒店.
姬姬屆時亦會出席此活動,並有小量作品出售及觀賞.
2005年11月21日 ~*新課程推介*Amy's workshop ~ Pizza House,生活文化 ~ 日式咖哩飯
2005年11月18日 ~WKM CURRY 日式咖哩飯店登場，食物陳列櫃可以著燈架!
鳴謝台灣朋友仔Joyce為本店設計"黑妹logo"，多謝晒你呀!!
2005年11月15日 ~ Opera Cake" how to make" 教你造 !
2005年10月17日~ 加開姬姬燒米餅屋課程，上次報唔倒朋友仔立即黎咪咪株式會社AMY'S WORKSHOP報名!!!
另介紹學生Cynthia的相簿給大家看，除了學習姬姬縮小之物外，她也有很多不同的黏土作品.
2005年10月3日~ 竹千代...阿褔乳娘...春日局...將軍大人...御台所....阿"姬"側夫人你就想..發夢啦!
感謝"咪咪夫人"在我處於平台期給了我一個題目"燒米餅",使我能有所發揮。
我的新作:姬姬燒米餅屋......食"燒餅"睇"大奧"!!!!立即黎咪咪株式會社AMY'S WORKSHOP報名!!!
2005年9月20日~ **叮噹~叮噹~ "Amy's Workshop"叮噹 ~ 叮噹~**"你叫肉醬意粉外賣套餐係咪呀?"
2005年9月5日 ~ "WKMaggie's Cafe","北方飽點檔" 於Amy's workshop開課，元朗10月-11月特備課程有得睇,另介紹朋友仔Piano網頁給大家看看.
2005年8月30日~ 到我家上堂的朋友仔,每次都問"喂喂,你個Cafe攪掂未架，好鬼耐喎，你點辦事架?"
數數手指都攪左成4個月啦!攪掂!攪掂!攪掂啦!我的新作"WKMaggie's Cafe"現身啦!
2005年8月23日~Pizza House學生作品 ~ 不同主色、不同感覺，另生活文化10月至11月份課程有得睇
2005年8月16日~月圓之夜,除左扮狼叫,重可以攪咩 ????煲下蠟吐下口水,最新設計士多啤梨燈籠你玩過未....跟手對返支貴州茅台......一代美女嫦姐立即出現你眼前
Amy + Maggie 同你賀中秋
2005年8月4日~元朗8月份特備課程"超市壽司冰櫃",另多謝Seamus提供好玩遊戲"大排檔"由一位又係叫"Maggie" Lau的香港朋友設計架!勁!!!!!話.......好忙!!!!造到一額汗,真係要玩下!!
2005年7月2日~重要聲明:本人Maggie Chan 是"北方飽點檔"的原創作者，並擁有此作品"原創性(Originality)"的版權。請尊重知識產權!
2005年6月27日~Amy老闆娘送左份禮物比我 1......2......3..... 多謝!!! 我將佢放係車頭,由魚則魚涌駛車返元朗,進行"極速飄移"都無事,証明件禮物靠得往啦!
今早你地食咩早餐,我食餐肉荷包蛋公仔麵配凍好立克.........嘻嘻個名咁鬼長........咪餐蛋麵凍可力!
2005年6月23日 ~ "姬姬夜茶檔"現身於South China Morning Post
2005年6月22日~每次行過日式超級市場，我一定會走去睇下d壽司新唔新鮮，唔買都會睇下.....我的新作"超市壽司冰櫃"，立即於Amy's workshop為大家開辦課程，暑假無野好造玩下啦!
另外我影了部份上年第一屆微型藝術會員展我的展品"夜茶檔"的照片給大家看看。
2005年6月6日~網友C華、琪琪要求開辦嫁女餅小組課程，你們有興趣7月一齊學嗎?
2005年6月3日~最近因壓力太大，無法創作縮小之物，所以就玩一下其他手工藝，有放低10多年的麵粉花以及第一次試造的彩繪及田園布公仔，比大家睇下，造得差唔好見笑呀!
2005年5月30日~今日Lunch食什麼?乾炒牛河加杯茶包泡茶好唔好?....太油.........不如去麥噹噹食個清新滋選套餐啦!
"乾炒牛河加杯茶包泡茶"於"Amy's workshop"開辦一日課程
姬姬得到"生活文化"邀請，6月29日正式同大家見面，詳情請看"姬姬課堂"，朋友仔多多支持呀!
2005年5月10~鳴謝借用場地Amy,攝影師Cathyand Winkie,佈景提供Grace,道具提供Ka Po and Seamus,場務 Vincy and Venus,排名不分先後架! 抽空幫助完成拍攝今次"教你點造"之"日本紙扇"。朋友仔等左勁耐終於有得睇啦!
2005年5月9日~足足有50日無更新網頁啦!朋友仔對不起呀!
開始教學至今已有半年多的時間，收生的情況比預期中好好多，但換來的就是自己出新作品"好鬼死慢呀"!!!!同我"勁唔夠訓呀!!!"
最近德國老闆黎香港公司探我地，買左盒GOVDIVA朱古力比我地食，對朱古力無好感的我都比面食左粒，順便偷左盒裡面張"CHOCOLATES ASSORTMENT"番屋企，你地知我想點啦!我的新作"Maggie's Chocolate",另造了一件士多啤梨拿破崙.
另有新網登場加拿大多倫多Queenie Wu的"MINISQUARE"及屎塔媽媽的"BOBO MINIATURE" ，加油呀!!
2005年3月21日~新作"玫瑰木箱下午茶"都適合初接觸依門手藝的朋友仔玩架...睇下有無興趣黎我屋企玩下食下啦~"一日課程"
早前買左本"吃香喝辣韓國菜"的書睇，由年二十九造到昨晚,，造左成年終於攪掂，各位"姬姬韓國乾烤"，順便講下d韓國用餐禮儀過你地知。
台灣朋友仔"Joyce"製作了一間靚靚紅色公仔屋，網友們睇睇。
2005年3月2日~ ling、呀妹...點解要造麵包店? 其實係"花旗銀行"訂左呀!比張"花旗銀行單張"你地睇下啦!
2005年2月26日~我個"姬姬麵包店"要攪大project"好" "辛" "苦"呀!依幾晚都2:30先有得訓呀!!2月26日及2月27日銅鑼灣有得睇....邊到....唔講啦!
2005年2月17日~"畫家姐姐"你提議我造多幾款玫瑰花燭台及生日蛋糕，我攪掂啦請評分啦!唔好比隻"蛋"我食呀!我會好傷心架....
2005年2月5日 ~ 先要多謝"草莓妹妹"送給我的閃閃字體，好靚我好鍾意呀!!
另通知大家一聲我由年三十至年初七不會看e-mail及留言架! 依段時間無事唔好搵我，有事都未必搵到我.. 嘻...嘻........所有留言及e-mail我會初八先睇架!
祝大家新年進步!雞年行好運!
2005年1月25日 ~ 我好鍾意食吉野家牛肉飯架.......嘻嘻 Bonita同其他朋友仔 sorry呀!上堂上課答應你地好快放上網，要你地久等......我的新作: 姬姬日式料理
朋友仔Seamus製作的嫁女餅....好鬼金碧輝煌架!
係呀!係呀!我3月係屋企正式開始授課呀!特備開市一日課程比大家，睇睇有無興趣啦!名額有限，報名要快手啦!
2005年1月4日~新一年開始,希望世界唔會再有禁多唔開心事啦!!!!你地捐左錢未呀? 捐啦,真係死左好多人呀!!!好須要我地幫助架!!!
依幾個月食左好幾餐Pizza Hut,望住d野食發呆禁,死左成幾個月都造唔完....我的新作品 "姬姬薄餅屋"造好啦!
我記得架朋友仔,你提我" 注意Pizza Hut 係賣百事唔賣可口可樂架 !"
2004年12月18日~10多年前所造的1:1聖誕麵粉花環從現大家眼前，祝大家聖誕快樂呀!! 姬姬課堂新一期課程出左啦!睇睇有無興趣學下啦!
2004年12月16日~喂....喂....!! 長頸鹿網友起身啦!係咪係個電腦前面等到個身舖滿蜘蛛網呢?黎啦!.......黎啦!我upload 啦!
"姬姬美食廣場"第一間店舖開張啦!"姬姬麵包店"街坊生意，新鮮出爐.....唔買都黎睇下...
2004年11月3日~
香港微型藝術會第一屆微型藝術會員展 (16-25/11/2004?魚涌太古坊，26-30/11/2004荃灣大會堂展覽廳)，本人也會以會員身份展出我一件作品"夜茶檔"，嘻嘻比d相你地睇...第一張..........第二張............係咪睇唔真呢.........禁你地就一定要親自去一去睇真d啦!!
我亦有幸被邀請於荃灣大會堂展覽中作示範，長細時間遲D講比你地知啦...
還有呀!我都會以Amy's Workshop 導師身份捐贈作品義賣架!!大家多多支持呀!!!!!!!
2004年10月26日~昨晚路經造餅店取回上兩個星期學的黑森林照片，各位食得落肚黑森林靚D,還是唔食得落肚黑森林靚D呀???
2004年10月23日~近排病左，無精神造迷你作品，昨日假期只係造左兩個tea set，呀....同update下我個蛋糕課程啦!
2004年10月13日 ~ 唔知你地有無興趣造番檔"北方飽點"呢?
2004年10月9日~使嫁女餅望落豐富D，加左對椰子、蓮藕同囍蠋; LingLing你訂的黑森林我交貨啦!
2004年10月5日~造左我個幾星期，終於完成了一個新作"北方飽點檔"呀!裡面有成十幾樣野架，唔知你地看唔看得出每樣野係什麼呢?
2004年9月13日~一身黏土債未還呀!" Sharon"你個2個月前訂左過個黑森林造左啦!我唔鍾意食朱古力架!
好開心收到我由細玩到大依家全家移民美國的好朋友的照片，佢地還多左一個小成員,好可愛架!!!!!
2004年9月6日 ~ 得到 
負責人邀請，本人9月底將於港島區開辦1:12微型食品黏土課程"嫁女餅及馬來西亞食品"，各位網友多多支持呀!!
就黎中秋節啦!大家有無食過潮式酥皮月餅呀!
2004年9月1日 ~ "馬來亞春色綠野景緻耀眼，椰樹........"我呀媽係圖書館借左D馬來西亞食譜，呀媽煮真係食得落肚個D，我當然造唔食得落肚個D，各位馬來西亞食品....好飽呀!!!
2004年8月25日~昨晚與LingLing學左個士多啤梨拿破崙，都幾靚架!等我造番個迷你士多啤梨拿破崙先....
2004年8月18日~今日我要為大家介紹我的新作"呀姬鮑魚"!!有個新遊戲醉酒鬼呀!
2004年8月5日~造左禁多睇得唔食得的迷你作品，今次終於造番個睇得又食得的蛋糕啦!各位Ling Ling 同我一齊合作的蛋糕"TIRAMISU"呀!還有我們的靚樣呀!嘻嘻!
特別消息:香港微型藝術會獲荃灣藝術節邀請及贊助舉辦本年第二次微型藝術展. 於26-30 Nov, 2004 荃灣大會堂展覽廳展出 . 詳情請到 http://www.loisminitreasures.com
2004年7月31日~添莫飛同妮妮(我同事)就黎結婚啦!! 妮妮、LingLing同我好努力禁造結婚小禮物.....造造造...日日造到無停手......320份呀!!!
妮妮話 "好有滿足感 呀!開席前一定要同d賓客講...唔可以掉左佢架!"
Ling話"我造到無什麼感覺啦!咪好像一個工廠妹禁羅!"
我呢.....我要停下唔再造嫁女餅一段時間,好鬼悶呀!!!! 但係好有滿足感，得到妮妮的信任，用了我構思出來迷你小物放入玻璃樽內，希望當日賓客會喜歡啦!!
2004年7月21日~有成十幾日無更新過網頁了，先多謝Ernice在網上教授我點樣造酥皮湯，我的大蝦酥皮湯出爐了;另外三點三飲番杯TWININGS紅茶食番件餅啦!!
2004年7月7日~好熱呀!公司冷氣出暖風你見過未，我已經為我的同事準備左"日本扇"啦!
2004年7月5日~點解香港37度架，好鬼死熱呀!造D野另自己涼d....涼d.... 白玉綠茶同什果雪糕新地!!!!!
2004年6月30日~今日係我生日呀!多謝呀媽禁辛苦生我出黎;
多謝我的中學同學JEFF,CANDY,EDWIN,大頭;送比我的生日蛋糕、禮物;
多謝好朋友胡佬,RUBERT,蘭桂坊"EVISU"員工;特惠的飲品、衫褲;希望你地這個日本品牌造得越來越好;
多謝我親愛的同事MANDY,LING ,ELSA,MARY,芳芳,潘生送比我的生日蛋糕、禮物;
暫時係禁多先.........
Always remember.........
2004年6月26日~經詢問資深網友意見，因版權問題本人未能上載薯片封面，在此講聲對不起，希望大家原諒!!
有得薯片袋，就一定唔小得薯片啦，教你點造!!
2004年6月16日~新作呀!"什果新地"
2004年6月15日~由於有很多網友要求我解開卡樂B薯片袋之迷，今日我就在"教你點造"內大公開，我語文能力極差，希望大家會看得明我寫什麼啦!
2004年6月12日~星期六喎!下午荼食番個Tea Set啦!
2004年6月10日~我裝修過曬呀!希望你地喜歡啦!!
2004年6月8日~我最鍾意食鬆餅加士多啤醬，真係好好味架!! 嫁女餅個盒造左啦，我用"SKII"個包裝合剪呀...剪呀!!各位道友，你地覺唔覺我地真係名副其實垃圾婆同拾荒者黎呢?
2004年6月2日~造左D嫁女蛋糕，我都唔知用什麼來載D嫁女餅好????
2004年5月31日~!我個好朋友小Jovi同好同事妮妮就出嫁了造左d嫁女餅比佢地,未造完架......
2004年5月25日~我比人話我自閉仔呀!又話我係村姑，成日係元朗放牛耕田唔出城喎!依......人地心情唔好咪禁羅!我今日有新作，係我自閉的成果，壽司呀!
......救命呀.........................我碗意式蕃茄湯呀!.......講啦.....講人事非啦，出事了....底死!哈哈!
幸好有心人贈我多一隻碗再造過，我決定唔講事非10分鐘啦，嘻嘻今次無事啦!然後又講過.....
2004年5月12日~你前世同下世係什麼?!有個扑傻瓜Game,各位聰明人玩下啦!謝謝呀YAN提供資料!
2004年5月11日~昨晚造左個菠蘿包呀!
2004年4月29日~昨晚造左杯紅豆冰，哈哈!
2004年4月26日~很久沒有更新網頁了，最近再造了一些點心，有燒賣、乾蒸 牛肉、蝦餃、鮮蝦粉果和馬拉榚，大家黎飲下茶啦!!
2004年4月6日~幾天假期造了些點心、糕餅及Diamond pink/zest，各位飲杯!!
2004年4月2日~我的網頁正式開幕了，這是我第一個自己動手的網頁，還有很多不足之處，內容及製成品不多，我會努力增加，希望各界好友支持。
誠意感謝提供素材的日本網"NON MATERIAL"、電腦技術支援"molala1213"提供免費空間、我從未交過學費但一直很幫忙的迷你創作導師"AMY CHAN" 、給與連結的網友"好網連結".......還有....很多............MANY THOUSAND THANKS!!!!
2004年3月30日~多謝molala.com呀聯比個位置給我放網頁呀!!!好開心!!
2004年3月29日~今日正處理檔案按排，進展上算順暢。
2004年3月27日~ 這是我第一次寫自己的網頁，好開心有d野看啦!!
..JPG){kind=link}
